山頂纜車，相信好多遊客/香港既購朋友仔都會搭過，我同嶠爸以前拍拖，都搭過上山頂，景觀一流👍🏼👍🏼而且係最快上到山頂既交通工具之一😂😂今次係芊嶠出世兩年以黎，第一次帶佢上山頂，之前仲一路好驚細佬會早出世，冇機會一家三口上去玩下先😝😝
話說其實真係好多遊客搭，我地又傻更更走去排孩買飛，點知原來排隊係買套票，只要我地有一張香香通行既八達通，就可以直接入閘🤦🏻♀️🤦🏻♀️好啦，隊排左一半再出返黎入閘，等左第二架車就上到。八達通比錢就$32一程 (大人)，芊嶠未夠三歲所以免費😜😜不過我地帶住bb車唔方便，嶠爸要等人上哂，之後再攬住架車😂😂芊嶠就好開心，一路望風景，一路叫坐纜車喇😅😅果然，好快就上到山頂😄😄
禁我地就去左山頂廣場行下街先，芊嶠一見到纜車相，就會同我地講，搭纜車喇😂😂比佢笑死😅😅因為下個月復活節，山頂廣場都有野玩下，就係係每一層，都會有張台，擺左張紙，有個印仔 (每層都有兩款唔同印仔)，大家拎住張紙，望下印仔，對返張紙個印仔樣印上去，儲齊八個印仔，再係山頂廣場作任何消費 (McDonald 買個包都算，但要有單😅😅)，拎埋完成哂，吸哂印仔，連埋消費單，去返LG客戶服務台，禁就可以換到復活節禮品一份，但數量有限，換完即止，我地就換到，係一塊復活節朱古力，而家用左d好靚既方法將朱古力面整左做古桐色👍🏼👍🏼👏🏼👏🏼
之後係LG層，有間唔算好起眼既檔攤，係賣茶既，佢地既茶係天然，有d仲冇咖啡因，佢見到芊嶠細個，又簡左杯岩佢飲既比佢試飲。見嶠媽大肚，又簡左杯岩嶠媽哩d大肚婆飲既比我試飲。嶠爸哩d，其他咩都飲得😂😂其實佢都冇特登hard sell 我地買，芊嶠試飲完仲係禁一啖一啖，果個哥哥都話唔緊要，又再整多杯佢飲🤦🏻♀️🤦🏻♀️不過最後嶠爸太口渴，都幫襯左哥哥買杯 Iced Peach Tea 飲，都只係$30，都幾抵👍🏼👍🏼最緊要唔係好甜 (平時嶠爸要飲好甜架🙈🙈)，芊嶠都追住飲😝😝
因為回程夜，我地冇搭返纜車落中環，就只係搭小巴落返中環，但一定冇纜車禁快，因為佢係禁兜路落返山，不過就只係$10.8😂😂芊嶠回程太累，都係小巴訓著左喇😪😪
#生日放假好去處 #山頂纜車 #山頂廣場 #復活節活動 #親子樂 #親子遊 #芊嶠family
Search